DAVAO CITY – Gipunting karon ang pagtagad sa City Health Office (CHO) sa duha ka mga lugar sa dakbayan gumikan sa Measles outbreak.
Gilakipan kini sa mga lugar sa Salaysay sa Marilog District ug ang Haran sa Father Selga, ning dakbayan.
Kini human makatala ug mga kaso sa measles.
Pinasikad sa datus sa City Health Office ang Barangay Salaysay sa Marilog District nakatala ug dese siete ka mga kaso sa measles gikan sa Mayo 9 hangtud 13, samtang tulo ang sa Haran.
Samtang sumala pa kang Dra. Josephine Villafuerte ang sa Salaysay, Marilog usa lamang ang carier niini nga mao ang babaye nga namaligya ug utanon sa Bankerohan ug miuli sa Salaysay ug paspas nga nataptan ang uban gumikan kay daghan ang mga wala mabakunahe, sa nahisgutan nga dapit labi na kadtong mga sakop sa relihiyong panon gumikan kay hugtanon kanila ang pagpabakuna.
Sa Haran padayon ang ilang monitoring gumikan kay naglisod ang mga taga-City Health sa pagsulod sa nahisgutan nga dapit.
Mahibalo-an lamang nila nga dunay mga nagbalati-an kung madala na sa SPMC.
Bisan pa niini sa Data sa CHO miubos sa 39 porsieto ang ihap sa kaso sa Measles sa dakbayan sa Davao gikan sa Enero hangtud sa Marso 13, 2019.
