DAVAO CITY – Mihangyo karon ang ahensiya sa City Health Office (CHO) ngadto sa mga ginikanan nga pahimuslan ang ipahigayon nga massive vaccination sa mga estudyante ilabi na sa mga batang babaye kini gumikan kay dakong tabang sumala pa ang bakuha batok Human papilloma Virus (HPV) nga mamahimong hinungdan sa genital warts ug cancer.
Tipik lamang ang maong panawagan human nga daghanan pa gihapon nga mga ginikanan ang nagduha-duha sa pagpabakuna sa ilang mga anak gumikan sa isyu sa dengvaxia.
Sumala pa kang Dr. Josephine Villafuerte, head sa CHO, walay angay nga kabalak-an ang mga ginikanan gumikan kay luwas ang nahisgutan nga klase sa bakuna.
Gipasabot sa nahisgutan nga mas maayo nga sayong ihatag ang nahisgutan nga bakuna sa mga bata gumikan kay ma-develop niini ang immune system sa bata nga mamahimong proteksiyon batok sa nahisgutan nga sakit.
Samtang una na sab nga gibutyag ni Mr. Jenielito Dodong Atillo, tigpamaba sa Department of Education (DepEd) 11 nga kinahanglan gayud ug parent’s consent ayha ipahigayon ang pagbakuna sa mga estudyante hinungdan nga kinahanglan adunay pagpakiglambigit ngadto sa mga ginikanan ayha himuon ang maong lakang.
