DAVAO CITY – Gipangunahan sa mga personahe sa City Health Office (CHO) ang pagpahigayon og disinfection sa mga parke ning dakbayan kagahapon sa hapon.
Tipik lamang kini gumikan sa padayon nga pagsaka sa Corona Virus Disease (Covid-19). Anaa sa upat ka mga parke sa siyudad nga nahimutang sa San Pedro square ang gitagsa-tagsa nila pag-disinfect aron masiguro nga dili makasulod ang Covid-19 ilabi na nga daghanang mga tawo ang sagad nga mosuroy sa lugar.
Kahinumduman nga gawas sa pag-disinfect sa mga parke sa time square, una na sab nga gimandoan ang mga empleyado sa lokal nga panggamhanan nga limpiyohan ang ilang palibot ayha magsugod sa ilang tagsa-tgasa ka mga trabaho.
Una na sab nga wala gipahigayon ang flag ceremony kagahapong adlawa isip pamaagi pa gihapon nga mapugngan ang pagkuyanap sa virus.
