Giawhag sa City Health Office (CHO) ang mga inahan sa Geographically Isolated and Disadvantaged Areas (GIDA) nga kung mamahimo dili na modangop sa “hilot” ug pahimuslan na lamang ang mga serbisyo nga gitanyag sa ilang buhatan.
Sumala pa ni Lea Gunabe, ang safe motherhood coordinator sa CHO, nga sa kasamtangan adunay gihapon mga higayon nga manganak sa balay ang pipila ka inahan, busa ginaawhag ang district health nurses nga molihok niini gumikan ang “hilot” dili makadumala og sakto nga pagpanganak, inay motrabaho na lamang kini isip kaubanan sa buhatan.
Gipadayag sa opisyal, nga ang CHO ug ang Datus of the Indigenous Communities (ICs) sa GIDA niuyon nga ang “hilot” dili na masaligan.
Gipasalig sa CHO nga ang ilang buhatan adunay luwas nga motherhood program alang sa tanan nga mga buntis nga babaye sa Davao City ug anaa usab sumala pa mga nagkadaiyang health center ug barangay health station.
Gibutyag ni Gunabe nga ang ilang buhatan nakatala og 26,867 ka pagpanganak sa tibuok tuig sa 2024.
Sa maong ihap, 23,422 ka inahan ang nakapahimulos sa programa, diin anaa usab sa 87.2 porsiyento sa mabdos nga mga babaye ang nakaagi og upat ka prenatal check-ups sa tibuok siyam ka bulan nga pagmabdos.
Gipklaro sa CHO nga ang check-ups alang sa mga mabdos nga mga babaye libre.
Apan, alang sa mga serbisyong laboratoryo, ang buhatan nagkanayon nga ang mga pasyente nga adunay PhilHealth makapahimulos sa e-konsulta package, ug kinahanglan nga mobayad sa galastohan sa Hepatitis B ug syphilis tests, apan, mas barato kini itandi sa mga pribadong medical institutions.
Sumala pa sa CHO, nga ang mabdos nga babaye mamahimo nga makapahimulos sa mga serbisyo susama sa prenatal sa health centers sa ilang matag barangay.
Giawhag usab sa buhatan ang mga mabdos nga babaye nga modangop sa pito ka mga “birthing centers” sa Davao City, nga anaa sa Paquibato, Marilog, Bunawan, Tibungco, Agdao, Buhangin, ug Toril.
