DAVAO CITY- Subling nagpahinumdom ang City Health Office- Davao City ngadto sa publiko kalabutan sa posibleng pagsaka sa ihap sa mga indibidwal nga magka-dengue dinhi sa dakbayan. Nunot kini sa bag-ohay lamang nga natalang mga bag-ong kaso sa dengue sa dakbayan sa Tagum.
Gani, padayon karun ang mg ginahimong lakang ug pagpangandam sa maong buhatan arun nga nga mapugngan ang maong posibilidad ilabi pa nga opisyal na usab nga gideklara sa PHIVOLCS ang pagsugod sa wet kon rainy season dinhi sa nasud Pilipinas.
Sumala pa ni Dr. Tomas Miguel Ababon, Head sa City Health Office- Davao City, nga gapahigayon sila og mga seminars ingon man mga coordinating meetings ngadto sa mga barangay officials alang sa pagpasabot sa kamahinungdanon sa pagpahigayon og mga foggings ug uban pang mga aktibidad nga makatabang sa pagpakgang sa sakot na dengue sa matag barangay.
Pagpasabot pa sa maong opisyal nga ang maong matang sa sakit kay dili lamang usa ka health concern kundi usa usab ka social concern diin responsable ang tanan niini.
