DAVAO CITY- Sikop sa National Bureau of Investigation – Southeastern Mindanao Research Office kon NBI-SEMRO ang usa ka Chinese National nga sumala pa nag falsified kini og mga documents sama sa PSA, DRIVERS LICENSE, ug NATIONAL ID.
Gibutyag ni NBI-SEMRO Regional Director, Atty. Arcelito C. Albao nga nakadawat matud pa Sila og report kagahapon kabahin niining Chinese national nga sumala pa magkuha og passport sa DFA.
Giila sa otoridad ang Filipino name sa Chinese national nga usa ka Hengson Limosnero Jabilles, mag 22-anyos karung October 17, residente sa may Purok 4, Suazo extension, barangay 14-B Davao city.
Nga sumala pa niini natawo daw kini ngadto sa Stam Cruz Davao del sur. Sa pag imbestiga sa mga otoridad, nasayran nga aduna kini negosyo sa sa Uyanguren.
Hangtod karun Wala pay pamilya sa Chinese national Ang nagbisita kaniya. Nasayran usab nga late registration kini, gumikan natawo kini tuig 2002 apan napa rehistro kini tuig 2013 na.
Pagpaklaro sa NBI-SEMRO nga sa Sta. Cruz Local Civil Registrar kini nagkuha og mga documents busa karun lakip usab kini sa ilahang pagaimbestigahan gumikan kay sukad 2018-2019 duna na matud pa silay nasuta nga kapin kon kulang 200 ka mga Chinese Nationals nga nagpa late registrar sa LCR Sta. Cruz Davao del sur.
Kasong paglapas sa passport law, falsification of public documents ug concealing true name Ang pagatubangon sa dinakpan. Padayon pa ang ginabuhat nga imbestigasyon sa mga otoridad lakip na usab sa anggulo nga ginatanaw niini ang kalabot sa POGO hub ug isyu ni Bamban mayor Alice Guo.
