Gikalipay sa China ang deklarasyon ni Presidente Ferdinand Marcos Jr. sa pagdili sa tanang Philippine Offshore Gaming Operators (POGOs) sa Pilipinas nga epektibo niadtong Hulyo 22, 2024.
Sa usa ka pahayag gikan Chinese Embassy sa Pilipinas, gikanayon niini nga sila nagtuo nga ang maong desisyon nagpakita sa panawagan sa katawhang Pilipino ug motubag sa interes sa katawhan sa China ug Pilipinas.
Dugang sa maong pamahayag nga sulod sa pipila ka tuig nanawagan ang Embahada sa gobyerno sa Pilipinas nga sirad-an ang mga POGO.
Ingon man nga gihatagan og gibug-aton niini nga ang balaod sa China nagdili sa tanang matang sa sugal ug hugot nga gipugngan sa gobyerno sa China ang mga Chinese citizen nga malambigit sa mga negosyo sa sugal sa gawas sa nasod sama sa POGO.
Kini gumikan moresulta sa mga seryosong krimen ug makadaot sa interes sa katawhan sa China ug Pilipinas.
