DAVAO CITY – Gitino ni Dr. Luis Perez, hepe sa Technical Division sa Commission on Higher Education (CHED) 11 nga dili pugsanay ang pagbalhin sa klase sa bulan sa Agosto.
Kini ang gibutyag ni Perez human nga sa nahisgutan pa nga bulan magsugod ang klase sa mga State Universities and Colleges (SUC) dinhi sa Davao region.
Pipila sa mga iladong unibersidad sa gobyerno nga anaa sa Davao region ang gilangkuban sa University of southeastern Philippines (USEP), University of the Philippines (UP) Mintal, Davao del Norte state colleges, Compostela Valley state colleges, Davao Oriental State colleges ug southern Philippines agri-business ug daghanan pa.
Samtang gikanayon ni Dr. Perez nga wala pa silay nadawat karon nga report gikan sa mga pribadong kolehiyo ug unibersidad sa dakbayan kalabot sa ilang sugyot nga ibalhin na sab ang ilang abli sa klase sa bulan sa Agosto.
