DAVAO CITY – Subling gipasabot sa Commission on Higher Education (CHED) nga adunay gigahin nga pundo ang ahensiya alang sa mga drivers ug operators nga maapektohan sa pagpatuman sa High Priority Bus System (HPBS) kini pinaagi sa paghatag ug scholarship sa ilang mga anak aron nga makapadayon kini sa ilang pagtuon.
Sumala pa kang Dr. Maricar Casquejo, regional director sa CHED-11, aduna gigahin ang ahensiya nga P30 million alang sa mga maapektohan sa HPBS diin anaa sa 20 mil ka mga indibidwal ang mamahimong maka-avail niini.
Una ng gipahigayon sa CHED ug uban pang hingtungdan nga ahensiya sa kagamhanan ang orientation ngadto sa mga scholarship coordinator ug registrar kalabot sa ilang “Tulong Dunong Program” diin tumong niini nga mapasabot sa mga nahisgutan ngadto sa mga benepisyaryo nga mamahimo sila nga maka-avail ug assistance nga gikan sa panggamhanan.
