DAVAO CITY – Gipatuman karon sa Davao City Veterinarian’s Office sa pakig-alayon sa Department of Agriculture (DA) ang estriktong quarantine measures sa tanang mga checkpoints sa mga poultry ug by-products aron mapugngan ang pagsulod sa avian influenza o bird flu sa rehiyon.
Gikanayon ni Dr. Cerelyn Pinili, Head sa City Veterinarian’s Office, gipatuman ang mas hugot nga mga lakang aron mapugngan ang pagsulod sa mga poultry products sa syudad gumikan sa nasinatiang outbreak sa bird flu sa Luzon ug sa kasukbot nga mga dapit sama sa Tacurong city sa Sultan Kudarat.
Gikanayon ni Pinili nga niadtong milabay nga bulan, na-detect sa Bureau of Animal Industry (BAI) ang mga kaso sa Avian Influenza sa Baliwag, Bulacan, ug gikatala usab ang susamang outbreak sa Candaba ug Mexico Pampanga sa Luzon.
Niadtong March 10, gikumpirma sa BAI ang lain na ussab nga outbreak sa Tacurong, Sultan Kudarat diin uskaa libo ka mga pato ang gpamatay.
Dugang pa ni Pinili nga 80 – 90% ang mortality sa mga manok, ug mamahimo usab nga makatakod ang virus ngadto sa mga tawo diin mamahimo kiniing mobati ug cold-like symtoms.
Hinuon, adunay tambal alang niini sa mga tawo, apan sa mga manok wala hinungndan nga wala silay laing himuon kung dili ang pagpamatay na lamang niini aron mapugngan ang pagtakod-takod niini ngadto sa lain pang mga manok.
Dugang pa ni Pinili nga samtang ang syudad wala pay gikatalang unsa mang kaso sa avian influenza, gipaningkamtuan nila nga masiguro nga ang virus dili gayuyd makasulod sa syudad pipnaagi sa pagpahimutang ug veterinary checkpoints sa Lasang, Davao del Norte, Lacson Calinan, taliwala sa Arakan ug Marilog, lakip na sa Sirawan.
Mas gipahugtan sumala pa nila ang ilang surveillance sa mga critical areas sa syudad sama sa Talomo, Tugbok ug Calinan gumikan kay sa nahisgutang mga dapit nahimutang ang daghanang mga poulty.
Tungod niini, gipagawas na usab ang Department of Agriculture (DA) ug Memorandum Circular No. 6 nga nagmando sa termporaryong pagsuspende sulod sa 30 ka adlaw sa pagbyahe sa mga buhi nga langggam gikan sa Luzon paingon sa Visdayas ug Mindanao.
Gumikan niini, gihangyo ni Pinili ang mga shippers ug mga poultry products nga tas-an ang ilang pailob sa estrikto nga proseso sa pag-check sa ilang mga dokumento sa pagpasulod sa ilang mga poultry products dinhi sa syudad.
