DVAAO CITY – Nadungagan na ang ihap sa mga charter boats nga na-isyuhan ug business permit sa dakbayan atol sa ulahing adlaw sa pagparehistro kagahapong adlawa.
Subay sa ulahing natala sa Davao City Business Bureau, mukabat na sa 76 ka mga charter boats nga sagad gamiton sa island hopping ang aduna nay permit ug mamahimong makapadayon sa ilang operasyon.
Human ang deadline kagahapong adlawa, gibutyag ni Cmdr. George Maganto, commander sa Philippine Coast Guard (PCG) nga hugtanon na nila nga ipatuman ang balaod sa siyudad nga No permit, No sail policy. Nasayran sab sa ahensiya nga mukabat na sa 50 ka mga charter boats operators ang nahatagan karon ug permit.
Gibarugan ni Maganto nga kung walay mapakita nga business permit o tourism certification ang mga charter boats, dili nila kini tugtan sa ilang operasyon nga makabiyahe gikan dinhi sa dakbayan patabok sa Island Garden City of Samal o Vice versa.
