DAVAO CITY – Okupado karon ang mga sakop sa City Environment and Natural Resources Office (CENRO) sa pagbahin-bahin sa mga basura partikular na ang mga poster sa politiko nga gipangbutangan ug kahoy.
Tipik lamang kini human ang gipahigayon nga Oplan Baklas sa mga sakop Cenro kagahapong adlawa aron nga masiguro nga limpiyo ang siyudad human ang eleksiyon.
Hinuon adunay pipila ka mga politiko ilabi na kadtong midaug ang nangunay na pagsugo sa ilang mga sakop sa pagtangtang sa ilang mga campaign materials ilabi na kadtong gibutang sa mga punoan sa kahoy.
Nanawagan na lamang si Atty. Michael Abas, regional director sa Comelec 11 ngadto sa mga midaug nga kandidato nga kung manghipos kini sa ilang mga campaign materials, apilon na lamang niini ug hipos sa mga kandidato nga wala nakadaog.
