DAVAO CITY – Padayon sumala pa ang ipahigayon nga mga Tsunami drills sa ahensiya sa City Disaster Risk Reduction and Management Office (CDRRMO) ngadto sa mga residente daplin sa kadagatan aron nga maandam ang mga nahisgutan sa higayon nga mo-igo ang susama nga kalamidad.
Hinuon gi-angkon ni Alfredo Baluran, head sa CDRRMO, nga luyo sumala pa sa ilang ginapahigayon nga mga drills aduna pa gihapoy nga residente nga dili mopartisipar apan mas daghanan sumala pa ang buot nga makakat-on kung unsa ang mga angayan nga himuon.
Gitataw ni Baluran nga angaya’ng masayran sa mga residente kung unsa ang himuon kung adunay tsunami ilabi na nga kadaghanan sa mga coastal areas ang huot sumala pa ang kadalanan ug dili gilayon makagawas ang mga residente.
Sa kasamtangan, adunay gimuntar ang ahensiya nga mga cameras aron nga mamonitor ang sitwasyon daplin sa mga kadagatan partikular na sa Matina Aplaya, Toril ug Agdao apan gibutyag ni Baluran nga unang bahin pa lamang kini sanglit magmuntar pa sila ug dugang mga camera sa mga coastal areas sa dakbayan.
Dakong tabang sumala pa ang nahisgutan nga mga camera gumikan kay sayo nila nga mapahibalo ang mga residente sa higayon nga adunay tsunami nga moabot.
