DAVAO CITY – Gipasalig ni Lyndon Leovic Ancajas, City Disaster Risk Reduction and Management Office (CDRRMO) administration and Training Chief, nga magpadayon ang ilang monitoring sa mga barangay sa siyudad nga sagad bahaon panahon nga mobundak ang ulan ilabi na nga magpadayon sumala pa kini hangtud sa pagsulod sa tuig 2021.
Sumala pa kang Ancajas nga padayon sab sila karon nga nakiglambigit sa mga nagkadaiyang barangay sa siyudad aron masiguro nga madumala nila pag-ayo ang sitwasyon sa dakbayan o dali nga makaresponde panahon sa emerhensiya.
Gibutyag sa opisyal nga base sa pagpanubay, lauman nga sa Pebrero 2021 pa target nga matapos ang nasinatian nga La Niña ug dako ang posibilidad nga daghanan pa ang masinatian nga mga pagbaha.
Hinuon, dako sab sumala pa ang tsansa nga ubos lamang sab ang mamahimong epekto niini.
Padayon sumala pa karon ang ahensiya sa ilang pagpaningkamot aron nga ipahibalo ngadto sa publiko ingon man sa ilang mga sakop nga kanunay mangandam.
Pahayag ni Lyndon Leovic Ancajas, City Disaster Risk Reduction and Management Office (CDRRMO) administration and Training Chief.
