Nanawagan si City Disaster Risk Reduction and Management Office, operation head Rodrigo Bustillo sa mga hingtungdan nga ahensiya sa kagamhanan nga himuon ang ilang mga tahas aron nga mahatagan ug kasulbaran ang padayon nga masinatiang pagbaha sa siyudad ilabi na panahon nga mobundak ang kusog nga ulan.
Ang pahayag sa opisyal tipik lamang sa nahitabong pagbaha sa La Verna ning siyudad bisan tuod nga hinay lang ang pag-ulan niining milabay nga adlaw.
Ang susama sumala pa nga sitwasyon ang makahatag sumala pa ug perwisyo ngadto sa mga residente ingon man sa mga motorista.
Nasayran kang Bustillo nga milampas sa hawak ang ang tubig baha sa milabay’ng gabii kini tungod sa localized thunderstorm.
Mas mayo sumala pa nga limpiyohan ang mga creek ingon man padak-an ang mga drainage sa mga lugar nga sagad bahaon aron nga dili gilayon magpundo ang tubig panahon sa ulan.
Angayan sab sumala pa nga mangandam sanglit hangtud bulan pa sa Nobyembre padayon nga masinatian ang mga pag-ulan.
