DAVAO CITY – Arun nga mas mahimong andam ang lokal nga kagamhanan panahon nga adlaw kalamidad ilabi na ang mga pagbaha, nagpahigayon kagahapong adlawa ang ahensiya sa Davao City Disaster Risk Reduction and Management Office (CDRRMO) ug simultaneous City-wide Sirens ug Siren with Public Address test sa nagkadaiyang lokasyon sa siyudad.
Gikanayon sa CDRRMO nga tumong sa maong aktibidad nga ma-alerto ug mahatagan ug kasayuran ang publiko sa nahigayon nga adunay mga natural disasters sa siyudad ilabi na sa mga areas nga delikado sa mga disaster-related hazards susama sa grabe nga mga pagbaha.
Una ng nasayran kang CDDRMO Chief Retired Colonel Alfred Baloran nga ilang gipahigayon ang citywide siren testing sa uban nga Outdoor Mass Notification Systems, kalakip na ang kasamtangang onse ka mga sirens sa Purok 10, Sirawan Beach sa Barangay Sirawan, Davao Fish Port Complex sa Barangay Lizada, Taal Road, Royal Valley sa Brgy. Talomo Proper, Maligaya Taxi Compund sa Barangay Matina Aplaya, Immaculate Concepcion Chapel sa Barangay Bucana, Power Golf Range Compound, San Rafael sa Barangay Maa, City Hall Annex, Pichon Street sa Barangay 39-D, Barangya Hall, Quezon Boulevard, Barangay 23-C, MATS College of Technology Compound, Barangay V. Duterte, Phillip Morris-Filipino Tobacco Corp. Inc. sa Barangay Lapu-Lapu ug Purok 13-D, Km. 14, Veterans Village sa Barangay Panacan.
Laing unom sab ka mga sirens nga adunay public address systems ang gipahimutang sa barangay hall sa Marapangi, Basketball Court, Salakot sa Barangay Talomo Proper, Barangay Hall sa Matina Pangi, Basketball Court, Jade Valley Subd. sa Barangay Tigatto, Barangay Hall sa Bunawan Proper, ug Fish Landing Complex, Sitio Bucana sa Barangay Lasang.
Gikanayong ang mga bag-ong sirena adunay built-in public address feature nga mamahimong makaabot ug four kilometers radius.
Aduna sumala pa kini solar-powered backup battery arun padayon ang operasyon bisan pa man adunay power interruption ug uban pang emerhensiya.
Gani plano sab karon sa CDDRMO nga magpahimutang ug mga sirena nga adunay camera.
Sa kasamtangan, ang CDRRMO anaa sa Phase 1 sa Outdoor Mass Notification Systems project ug gisugyot nila nga adunay Phase 2 arun nga mas daghanan pa nga mga sirena ang itaud.
Gihatagan sumala pa nila ug prayoridad ang mga lugar nga sagad delikado sa mga kalamidad sama sa mga duol sa kasapaan.
