DAVAO CITY – Dungan sa nagpadayon nga pagpangandam sa siyudad batok sa bahad sa tsunami, gikanayon sa Davao City Disaster Risk Reduction and Management Office (CDRRMO) nga aduna na silay mga identified evacuation areas ug rota sa mga residente nga mobiya sa ilang mga panimalay ilabi na kadtong nanimuyo daplin sa kadagatan.
Una ng gi-post sa ahensiya sa social media ang mga mapa sa nagkadaiyang barangay sa siyudad diin mamahimong adtuan sa mga residente sa higayon nga mo-igo ang tsunami o storm surge.
Gikanayong sa Barangay Binugao, Sirawan, ug Lizada ang evacuation areas niini mao ang Catigan Gym o Villa de Mercedes, samtang ang Baliok Elementary School, South Pacific Homes o UP Mindanao ang evacuation sites alag sa Barangays Daliao, Dumoy ug Bago Aplaya.
Ang mga residente sa Barangay Talomo Proper ug kaskbit nga lugar ang mohiklin sa St. Francis Seminary, Catalunan Grande Elementary School, o sa Forest Hill samtang sa Barangay Matina Aplaya ug Bucana ang evacuation area niini mao ang Shrine Hills.
Samtang ang mga Barangay 31-D, 21-C, 22-C, 23-C, ug 27-C ang gipahimangnoan nga moadto sa RMC Gym, samtang ang Barangays Leon Garcia, Gov. Duterte, Centro Agdao, ug Lapu-Lapu ingon man kasikbit nga barangay ang gipahimangnoan nga moadto sa UIC Bajada sa higayon nga masinatian ang tsunami.
Ang Barangays V. Hizon ug Pampanga moadto sa Old Airport, samtang ang Barangay Panacan ug Sasa kinahanglan nga moadto sa Clubhouse (formerly Sun City), Jose Maria College o Old Airport.
Sa mhga residente sa Barangays Ilang ug Tibungco residents moadto ang mga nahisgutan sa Indangan Gym ug Rancho Palos Verdes, samtang ang mga nanimuyo sa Barangay Bunawan ug Lasang moadto sa Mahayag Gym.
Laraw ni CDRRMO Operations Officer Rodrigo Bustillo hatagan ug kopya ang matag barangay sa siyudad sa ilang mga evacuation sites aron masayod ang mga residene kung asa sila moadto panahon nga masinatian ang susama nga kalamidad.
