DAVAO CITY- Gikanayon sa City Disaster Risk Reduction Management Office nga anaa na sa highlest level ang pagpangandam sa ilang buhatan alang sa mga natural disasters nga masinatian sa dakbayan.
Sumala pa ni Lyndon Leovic Ancajas, CDRMMO Personnel nga alayon kini sa ika 36th National Disaster Resilience Month 2024 nga gipahigayon sa dakbayan kagahapong adlawa.
Sumala pa nga gumikan sa mga pag-ulan nga nasinatian sa atong rehiyon, anaa na sa proseso ang buhatan sa pagbutang og dugang siren, river camera, ug coastal cameras nga makatabang sa paghatag og pahimangno sa mag residente kung adunay masinatiang pagbaha ug pagtaas sa level sa tubig sa kasapaan.
Kahinumduman nga una na gikabutyag ni CDRRMO head Alfredo Baloran nga adunay ma additional early warning system ang gipangmutar sa mga sagad ginabahaan nga lugar ning dakbayan.
Sumala pa nga gibutang ang camera ibabaw sa Lipadas River, nga makatabang sa sayo nga pagsabwag sa impormasyon ug sayo nga tambag alang sa posibleng pagbakwit sa mga nagpuyo sa low-lying areas.
Dugang nga mga siren sa tibuok siyudad sab ang gimuntar sa Arroyo Compound, duol sa Matina River, ug sa Barangay 5-A duol sa Bucana sa sapa.
Sa karon, padayong nakipag-alayon ang buhatan sa mga Barangay Disaster Risk Reduction and Management Councils alang sa monitoring.
