Mubayad ang Catholic Church ug mukabat sa $76 milyon sa gatusan ka mga biktima sa sexual abuse sa eastern Canada.
Kahinumduman nga niadtong 2020, nasayran nga responsable ang Archdiocese of St. John sa usa sa pinakadakong child sex abuse scandals sa Canada, particular na sa Mount Cashel Orphanage, nga kanhi boy’s orphanage sa Newfoundland ug Labrador province.
Nasayran sa korte nga nakasinati ug pag-abusong sekswal sa mga pari ug uban pang opisyal sa simbahan ang mga bata sa nahisgutang balay sagupanan sukad pa niadtong 1940 ug nagpadayon pa sa pipila ka dekada.
Mukabat sa 292 ang kinatibuk-ang ihap sa mga biktima ang makadawat ug bayad nga 55,000 hangtod sa 850,000 Canadian dollars.
Gikuha ang accounting firm nga Ernst & Young isip third party intermediary aron sayron ang kantidad nga ihatag sa matag biktima.
Kaniadtong 2021, nagdeklara ug bankruptcy ang Archdiocese of St. John bisan paman sa pagbaton ug 40 million Canadian dollars gikan sa gipangbaligyang buildings nga gipanag-iyahan niini.
