DAVAO CITY – Pasakahan ug kasong pagsupak sa RA 9165 ang usa ka cashier ug steelman human nga nakuhaan ug iligal nga droga atol sa drug buybust operation.
Subay sa report sa kapulisan, mokabat sa P28,000 ang kantidad sa illegal nga druga kon shabu ang nakumpiska sa mga otoridad sa gilusad nga Anti-illegal Drugs operation sa Purok Upper Balite, duol sa ganghaan sa North Town Subd., Brgy Buhangin, ning dakbayan kagahapon sa hapon, Hunyo 20 ning tuiga.
Giila sa kapulisan ang mga dinakpan nga sila alyas Moklo, 21-anyos usa ka kahero nga residente sa Purok San Nicolas, Brgy Buhangin, ning dakbayan lakip ang iyahang kauban nga si alyas Poypoy, 34 anyos nga residente sa Baganga, Davao Oriental, nga nagtrabaho isip usa ka steelman.
Sa pagkakaron ang mga nahisgutan ang gikustudiya sa kapulisan sa Buhangin Police Station.
