Gi-atake ang usa ka cargo ship nga nakarehistro sa Thailand samtang naglawig sa Strait of Hormuz, diin tulo pa ka tripulante ang padayon pang gipangita hangtod sa sa kasamtangang oras.
Subay sa kumpirmasyon sa Royal Thai Navy, gipuntirya ang barkong Mayuree Naree human kini mibya sa Khalifa Port padulong sa India.
Lakip sa mga hulagway nga gipagawas sa militar, makita ang baga ug itom nga aso nga gibuga gikan sa barko samtang adunay mga life raft nga naglutaw sa dagat.
Dugang pa niini, gikanayon sa opisyal nga pahayag sa navy nga naigo ang barko samtang nilawig kini sa maong estratehikong agi-anan sa barko sa rehiyon.
Sumala pa sa report, 20 ka marinero ang malampusong naluwas sa Royal Navy of Oman, samtang nagpadayon pa ang rescue operations alang sa tulo ka tripulante nga nawagtang.
Sa kasamtangan, padayon ang pagpangita ug pagluwas sa mga awtoridad sa maong lugar aron matultolan ang nahimutangan sa mga missing crew members.
Dugang pa, nahitabo ang insidente taliwala sa nagkataas nga tensyon sa rehiyon, diin nagpadayon sa pag-atake ang Iran batok sa mga silingang nasod nga nailhan nga mga exporter sa lana.
