Nakig-alayon na ang City Tourism Operation Office (CTOO) ngadto sa Land Transportation Office (LTFRB) 11 aron nga tugtan kadtong tourist transport ug tour operators dinhi sa dakbayan ilabi na nga padayon ang pagdagsa sa mga turista nga mobisita dinhi sa dakbayan.
Sumala pa kang Generose Tecson, head sa CTOO, buot unta nila nga tugutan sa LTFRB nga makakuha ug permit nga maka-operate dinhi sa siyudad ang mga car rental sama sa bus ug van aron nga maka-operate kini bisan nga walay prangkisa.
Pinaagi sumala pa sa maong lakang, dali na lamang nga maakomodar ang daghanan ihap sa mga bisita ug turista nga mobisita dinhi sa siyudad ug plano nga moadto sa mga tourists destination sa dakbayan.
Sa kasamtangan aduna sumala pay 55 ka travel agencies, 53 tour operator, ug unom ka transportation service ang accredited dinhi sa rehiyon.
