DAVAO CITY- Gipasalig karon sa City Anti Drug Abuse Council kon CADAC nga magpadayon kini sa ilahang tinguha nga mahimong drug-free work place ang mga buhatan sa dakbayan sa Davao.
Gumikan niini, aron nga masiguro ang intigridad ug responsibilidad gipasalig sa buhatan nga ipatuman ang mandatory drug tests sa tanang empleyado sa gobyerno aron mapromotar ang luwas ug mas matinud-anon nga pagserbisyo sa katawhan.
Subay sa report sa maong buhatan, sa unang bahin karong tuiga. Pinaagi sa Executive Order 77 series of 2022 nga gipirmahan ni Mayor Sebastian Z. Duterte niadtong December 23, 2022 nga nag-establisar anti-drug abuse policy ug drug free workplace program sa dakbayan.
Kini nga programa dili lamang ang tumong sa pagpabilin sa drug-free workplace apan kini usab ang pagpalig-on sa sguridad ug pagsalig sa komunidad.
Tungod sa paghatag ug prayoridad sa kaayuhan sa katawhan, ug paghatag ug maayung pagtagad sa mga personahe niini sa ilahang tag-tagsa ka mga buhatan nahimong ehemplo ang dakbayan sa Davao sa epektibong pagdumala ug responsabling pagdumala.
Kini nga mga barangay ug mga buhatan ang nagapahigayon ug mandatory drug screening ngadto sa mga opisyal ug empleyado aron nga masiguro ang drug-free workplace,nga kini ang gilangkuban sa Baranggay Cabantian, Tacunan, 18-B, Bago Aplaya, Gatungan, 23-c, ug Tawan-Tawan.
Samtang sa mga buhatan sa gobyerno kini ang gipailawom na sa mandatory drug test mao ang Public Safety and Security Office, CMO ug Ancillary Services Office.
