DAVAO CITY – Gitakda na ang pagpatuman sa P4.5 billion 66-kilometer bypass road nga mokonekta sa Davao ug Bukidnon, latas sa areas nga kanhi gikonsiderang apektado sa insurhensiya.
Mihangyop na karon ang Davao regional office sa Department of Public Works and Highways (DPWH) ug endorsement sa City Council alang sa pagtukod ug alternatibo nga dalan.
Ang nahisgutan sumala pa nga proyekto mosubay pinaagi sa junction sa Davao City Diversion Road-Catalunan Grande-Talandang-Sumimao-Pañalum-Tapak-Cabanglasan-Aglayan sa Malaybalay, Bukidnon.
Gikanayong ang pundo niini nga kapin P4.5 billion, ang tungaon sa five-year scheme.
Kalakip sumala pa sa proyekto ang road opening/graveling, structures, road improvement/concreting ingon man pagpahimutang ug drainage, road rehabilitation/reconstruction ug road widening gikan sa sub-standard paingon sa standard uban ang drainage structures ug pagtukod ug mga tulay.
Sa higayon nga mapatuman ang nahisgutan nga proyekto, mo-abli sumala pa kini ug daghanang oportunidad tali sa Davao City ug Davao del Norte ngadto na sa Bukidnon sa Northern Mindanao.
Dakong tabang sab kini aron nga dali na lamang mga mabisita ang mga kabus nga komunidad nga nahikawan ug hinabang gumikan kay walay tarong nga dalan paingon sa ilang mga dapit.
