DAVAO CITY – Mikunhod ang mga naga byahe nga bus sa Davao City Overland Transport Terminal (DCOTT) atol sa subling pagpatuman sa General Community Quarantine (GCQ) sa dakabayan sa Dabaw.
Sumala sa pamahayag ni DCOTT Manager Aisa Usop, kaniadtong wala pay bahad sa COVID-19, mukabat sa 650 hangtod 700 matag adlaw ka mga bus trips ang matala apan kaniadtong gipatuman ang Modified General Community Quarantine (MGCQ), miubos kini sa 300 bus trips matag adlaw.
Dugang pa niini, mas misamot ang pagkunhod niini atol sa gipatumang GCQ sa syudad diin mukabat na lamang sa 100 ka mga bus trips ang nagabyahe matag adlaw.
Gani, milagro na lamang matud pa nga makapasahero og 15 hangtud na 20 matag rota.
Samtang, gikumpirma sa LTFRB XI nga ginaplastar na niini ang mga rekisitos aron subling matugutan ang ubang bus nga maka byahe sa uban pang rota.
Ang pahayag ni DCOTT Manager Aisa Usop.
