DAVAO CITY – Hugtanon na nga i-dili ang mga bus nga masulod sa Davao City Overland Transport Terminal (DCOTT) sa higayon nga makamugna na ang konseho ug Implementing Rules and Regulation (IRR).
Sumala pa kang Konsehal Conrado Baluran, Chairperson sa Committee On Transportation sa ika-dese nueve nga konseho nga duna nay mga Ordenansa ug mga sumbanan apan wala pa’y implementing rules and regulation (IRR).
Gitataw ni Baluran nga tumong niini ang pagpalig-on sa kita sa Davao City Overland Transport Terminal ug aron nga mahatagan ug alibyo ang kagout sa dagan sa trapeko sa dakbayan.
Dili sab sumala pa angay nga maka-abot pa sa dakbayan ang mga bus nga gikan sa mga lalawigan.
Sumala pa kang Baluran nga ang mga bus gikan sa Cotabato ug Gensan kutob na lamang sa Puan, ang mga bus gikan sa Cagayan ug Bukidnon kutob na lamang sa Catalunan Pequino, ang gikan sa Cagayan, Butuan, ug Mati kutob na lamang sa Buhangin.
