DAVAO CITY – Nakaangkon sab ug dakong danyos ang usa ka Bus human nga nibangga sa pader sa balay nga anaa daplin sa karsada.
Subay sa report sa Los Amigos PNP, nahitabo kini sa Purok 10-B, Brgy. Los Amigos, Tugbok District, ning dakbayan sa Davao pasado alas sais ang takna kaganihang buntag.
Sa imbistigasyon sa kapulisan, usa ka Sunlong Bus nga gipanag-iyahan sumala pa sa Kingdom of Jesus Christ,ni Pastor Quiboloy nga gimaneho ni John Ayo Berrano, 63-anyos nga taga Km. 5, Buhangin,ning syudad sa Davao.
Nasayran nga padulong sa Calinan Proper ang Bus apan pag-abot sa nasampit nga lugar, nakatagpilaw sumala pa ang drayber nga maoy hinungdan nga nibangga kini sa pader ug nidretso sa laing sakyanan nga pick-up nga miresulta sa pagkadanyos niini.
Tungod sa kakusog sa pagkabangga naguba ang atubangan nga bahin sa Bus samtang nakadanyos sab kini sa ubang mga tanom.
Anaa na karon sa kostudiya sa kapulisan ang bus nga nalambigit sa disgrasya ingon man ang drayber niini. Hinuon sa maong panghitabo walay naalaot nga kinabuhi.
