DAVAO CITY- Nagkanayon si Lyndon Ancajas, Admin and Training Acting Division Head sa City Disaster Risk and Management Office kon CDRRMO, nga subay sa pag-obserba sa National Disaster Resilience Month 2024, karong umaabot nga Hulyo 18-20, 2024 mao na ang ikaduhang hugna sa ‘1st Responder Rescues Gear and Obstacle Competition’ nga ipahigayon sa Crocodile Park ning dakbayan sa Davao.
Nag-awhag usab si Ancajas ngadto sa mga Barangay Disaster Risk Reduction Management Committee ug mga volunteer responders nga mopartisipar sa maong competition.
Ang maong aktibidad ang tulo ka adlaw nga competition diin ang maong mga mosalot ang mupailawon sa nagkadaiyang skills courses sama sa rescue, landslide ug pagrescue sa na trap sa sakyanan.
Matud pa niini nga criteria sa maong competition ang certain skills sa pag conduct sa rescue activities, diin diha basehan ang kapaspason, effectiveness, safety ug efficient sa ilahang paghatag og rescue.
Dugang pa niini nga karong umaabot nga Hulyo 26, ning tuig kasamtangan sa alas 9 sa buntag, ipahigayon ang highlight sa pag-obserba sa National Disaster Resilience Month 2024 ipahigayong ang ika-upat nga city-wide full scale Earthquake and Tsunami simulation exercise.
Sigon pa niini nga lakip sa mga mopartisipar mao ang tanang mga barangay nga tsunami prone area.
Pagbutyag pa niini nga sa pagkakaron milampas na o ingon man milapad na ang coverage sa tsunami prone area diin nalakip na ang Agdao district, Poblacion barangays ug bisan ang Maa kana base sa bag-og gipagawas nga mapa sa Phivolcs.
Lakip na usab sa musalmot sa city-wide full scale Earthquake and Tsunami simulation exercise mao ang mga pribadong establishimento sa dakbayan ug ang lokal nga panggamhanan.
Sa umaabot usab nga Hulyo 31, 2024 adunay ipahigayon nga blood donation drive sa opisina sa CDRRMO og abli kini alang sa tanang gustong modunar.
Isip closing activity usab, adunay ipahigayon nga tree plating activity ang CDRRMO uban ang mga responders ug rescuers karong umaabot nga Agosto 2 tuig kasamtangan.
