Nahalin sa kantidad nga $44.6 million kun mosobra sa P2 bilyon ang nakaplagan nga pinakadakong stegosaurus skeleton sa New York.
Niadtong May 2022, nakalutan ang bukog sa stegosaurus sa usa ka private land sa Colorado, USA ug ginganlan kini nga “Apex” nga usa ka kumpletong bukog sa dinosaur nga nadiskubre sa natad sa Paleontology.
Adunay sukod kini nga 11 feet tall ug 27 feet long ug nagbaton kini ug mukabat sa 254 fossil bone elements.
Gibana-banaan nga ang edad niini ang anaa sa 161 million years old.
Una gisugdan ang auction, naglaum ang Sotheby’s auction house nga mabaligya ang nahisgutang dinosaur sa kantidad nga $6 million ang pinakadakong bid niini.
Apan sa dihang nagsugod na ang auction, nakurat sila gumikan kay midagsa ang tawag gikan sa mga telephone bidders ug hangtod nga mi-abot kini sa $44.6 million ang bid niini.
Gumikan niini, mitala si Apex ug pinakadakong auction sa mga bukog sa dinosaur kung diin ang previous record ang anaa sa $31.8 million alang sa bukog sa T-Rex niadtong tuig 2020.
Samtang nagdumili ang Sothesby’s ipahayag kung si kinsa ug asa nga nasud nagagikan ang winning bidder.
