DAVAO CITY – Mipahimangno ang ahensiya sa Office of the Civil Defense (OCD) 11 nga temporaryo una nga sirado ang ilang buhatan ug suspendido sab ang ilang face to face transaction human nga lima sa ilang mga empleyado ang nagpositibo sa COVID-19.
Sumala pa kang Angelyn Pasaloyan, Information officer sa OCD-11, sa Disyembre 4 laoman nga mobalik ang transaksyon sa ilang buhatan hinungdan nga gitambagan niini ang mga moadto sa ilang opisina nga mas maayong motawag na lamang.
Hinuon gipasalig sa nahisgutan nga naka-work from home ang ilang mga personahe isip kabahin sa New Normal ug gipahigayon na sab nila nga online ang ilang mga meeting aron masiguro nga dili maapektohan ang ilang mga trabaho.
Pahayag ni Angelyn Pasaloyan, Information officer sa OCD-11.
