Mipanaw na si Errol “Budoy” Marabiles, ang lead singer sa Cebu-based reggae band nga Junior Kilat.
Subay sa kompirmasyon sa iyahang mga suod nga mga higala nga mitaliwan na ang Bisaya Regae Pride Icon sa edad nga 54-anyos.
Wala pa’y kumpirmasyon sa hinungdan sa kamatayon niini, apan adunay mga nangguwa nga impormasyon nga ataki sa kasing-kasing ang hinungdan sumala pa sa iyahang kamatayon.
Si Budoy nailhan sa iyang makalingaw nga estilo ug sa iyang dako nga tabang sa Bisaya reggae.
Ilado ang Junior Kilat sa mga kanta sama sa Ako Si M16, Buwad suka Sili ug Original Sigbin, nga nahimong paborito sa daghang Bisaya listeners.
Daghang fans ug higala ang nagpahayag sa ilang kasubo sa pagkawala ni Budoy.
Naila usab si Budoy human kini mahilakip sa 14 ka housemates sa Bahay ni Kuya (PBB Celebrity Edition).
Nasayran nga niadtong bulan sa Setyembre 2025 mipasundayag pa kini sa usa ka protest rally against corruption pinaagi sa iyahang ulahing kanta nga ‘Kawatan’.
