Gikumperma ni Budget Secretary Amenah Pangandaman nga walay confidential funds ang Office of the Vice President(OVP) ubos sa gikasugyot nga 2025 national budget.
Gipahayag pa niini ang confidential ug intelligence funds (CIFs) sa mosunod nga tuig ang mukabat sa P10.28 billion, mas ubos kini ug 16% kung ikumpara sa 2024 budget nga P12.378 Billion.
Sa P10.28 billion CIF Fund, P4.37 billion ang confidential funds ug P5.92 billion ang intelligence funds.
Ang mga ahensya nga adunay CIFs mao ang Department of National Defense (P1.70B) ; National Intelligence Coordinating Agency (P991 million);Philippine National Police(P806 million) ug PDEA(500 million); Department of Justice (P579.4 million) lakip na niini ang Bureau of Immigration ug NBI; Department of Finance (P79.5 million) kauban ang Bureau of Customs ug Bureau of Internal Revenue; Department of Transportation(P405 million) lakip na niini ang Philippine Coast Guard(PCG) ug Commission on Human Rights(P1 million).
