DAVAO CITY- Gipahigayon sa lokal nga panggamhanan sa Dabaw ang field monitoring activity sa miaging adlaw.
Gilangkuban sa Project Monitoring Committee ang gipahigayon nga inspection sa katukuran sa Bucana Bridge nga nahimutang sa Brgy.76-A, Bucana ning dakbayan.
Tumong sa maong lakang ang pagsuta sa kalambuan sa maong proyekto nga kini adunay upat ka lane, 6-span extradosed bridge nga adunay approach roads crossing sa bahin sa Davao River.
Ang pagatukuron nga tulay ang adunay gitas-on nga 1,340 meters nga kini adunay 480.2 meters nga gitas-on sa extradosed portion.
Ang pagtrabaho sa nasampit nga tulay ang gisugdan niadtong Nobyembre sa miaging tuig ug kini ang gilauman nga matapos sa Nobyembre sa sunod nga tuig.
Gipunduhan ang nasampit nga tulay nga mokabat sa P3.126 billion pesos nga kini ang usa sa mga mahinungdanong bahin sa Davao City Coastal Bypass Road.
