-- ADVERTISEMENT --
Malampusong nakabalik sa nasud ang BRP Gabriela Silang, human ang overseas mission niini. Nakadunggo na sa Port Area Manila ang military ship human sa 26 ka adlaw niining tri-country port visit mission sa Thailand, Malaysia ug Vietnam.
Sumala pa sa Philippine Coast Guard (PCG) nga una matud pa nga mipadulong ang maong barko sa Thailand niadtong Abril 1, samtang sa Malaysia niadtong Abril 8 ug sa Vietnam niadtong Abril 14-17.
Mitambong ang mga delegado sa PCG sa ilahang mga pagpulong ug pagbayloay og mga kahibalo sa ilahang mga nasud aron nga mapakusgan ang interoperability sa matag nasud.
Kabahin matud pa kini sa misyon ang pagpakusog sa maritime diplomacy sa ilawom sa framework sa ASEAN Coast Guard Forum (ACF).
-- ADVERTISEMENT --
