DAVAO CITY – Magsilbi nga pilot area sa ipatuman nga peace economy ang Malabog sa Paquibato District ning siyudad nga dakong tabang sumala pa sa mga mag-uuma sa lugar ilabi na nga giila ang nahisgutan nga dapit sa mga naga-produce og gulay sa dakbayan.
Gani makatabang sumala pa sa mga mag-uuma sa lugar ang nahisgutan nga lakang gumikan kay direkta na nila nga mabaligya ang ilang mga produktong gulay ngadto sa mga konsumante.
Sumala pa kang konsehal Mary Joselle Villafuerte, nga makatabang ang peace economy sa Malabog aron nga mapabilin sab ang kahusay ug kalinaw sa lugar.
Una na sab nga gibutyag ni Jesseilito Areja, Barangay Capt. sa Brgy. Malabog, nga siguradong daghanan nga mga residente ang mahatagan ug panginabuhian sa ilang lugar ilabi na nga 90 porsyento sa mga nanimuyo sa maong dapit puros mga mag-uuma.
