DAVAO CITY – Mi-turn over ang Kagamhanan sa Dakbayan sa Davao ug unom (6) ka alcohol breath analyzers ngadto sa Davao City Police Office – Traffic Enforcement Unit (DCPO-TEU) sa panahon sa pagbalik-lunsad sa RA 10586 o ang Anti-Drunk and Drugged Driving Act of 2023 niadtong Mayo 31, 2024.
Pag-turn over sa mga breathalyzer ngadto sa TEU usa ka lakang padulong sa istrikto nga pagpatuman sa Anti-Drunk and Drugged Driving Act aron nga mapugngan ang mga drayber nga magmaneho nga hubog, nagagamit ug ilegal nga droga ug uban pang susamang substansya.
Miingon si PCol. Rolindo Suguilon, Officer-in-Charge sa DCPO, sa iyang pakigpulong nga ang pagpatuman sa R.A. 10586 nagpakita sa dedikasyon sa DCPO sa pagpugong sa iresponsableng pamatasan ug sa pagpromote sa responsableng pagdrayb pinaagi sa pagpauswag sa kahibalo, labi na sa mga motorista sa dakbayan.
Giturn over ang mga breathalyzer kits ni Mayor Sebastian “Baste” Duterte sa Dakbayan sa Davao ug gidawat kini ni PCol. Suguilon. Nag-awtorisar ang Land Transportation Office XI, pinaagi ni Regional Director Eleonor Calderon, sa 120 ka personnel gikan sa TEU ug DCPO aron ipatuman ug i-enforce ang RA 10586.
Gisulti usab ni Calderon nga magpadayon ang ilahang buhatan, ug uban pang mga awtorisadong ahensya, sa istrikto nga pagpatuman sa balaod, ug siguruhon nga ang mga kadalanan sa Dakbayan sa Davao luwas alang sa mga Dabawenyo.
Gipadayag usab ni Mayor Sebastian Duterte ang iyang pagpasalamat sa mga myembro sa TEU ug DCPO gumikan sa ilang walay puas nga paningkamot aron masiguro ang kaluwasan ug kasiguraduhan sa dakbayan, labi na sa pagpatuman sa mga lagda ug regulasyon sa trapiko.
