DAVAO CITY – Gikanayon ni Tanya Rabat-Tan, regional director sa Department of Tourism (DOT) -11 nga dakung tabang sa turismo sa dakbayan sa Davao ug Bohol ang gikatakda na nga pagsugod sa ruta nga Davao-Bohol sa musunod nga semana pinaagi sa Southern Star Bus Transit, Inc. (SSBTI).
Gitataw ni Tan nga ang Davao-Bohol route usa sab ka option sa transportasyon nga mamahimong kapili-an sa mga tawo ilabi na kadtong dili maka-afford nga musakay ug eroplano.
Laraw sumala pa karun sa DOT-11 nga makighinabi tali sa DOT officials sa Bohol arun nga magpatuman ug exchange travels aron nga magbaton ug daghanan nga turista.
Gikanayong ang nahisgutan nga Bus company ang gikatakda nga mag-deploy ug duruha ka air-conditioned buses nga musubay sa ruta tali sa Tagbilaran City ug Davao City via roll-on, roll-off (RORO) vessel.
Gikanayong tulo ka mga biyahe paingon dinhi sa dakbayan ug duruha paingon sa Tagbilaran City matag semana ang itanyag sa bus company.
Gawas sa biyahe sa bus naglaum sab karun ang DOT nga balik na sab ang operasyon sa eroplano ug barko gumikan sa maayo nga coverage sa vaccination ug booster shot.
Naglaum sab karun si Tan nga magpadayon na sab ang pre-pandemic domestic ug international flights.
