Davao City – Gikumpirma mismo sa National Bureau of Investigastion (NBI XI) ang ilang gikasa nga entrapment operation pasado ala una ganinang hapon sa opisina sa Kabus Padatuon Ministry Incorporated kun (KAPA).
Una nang nakadawat og impormasyon ang NBI-XI og advisory gikan sa Securities and Exchange Commission (SEC) nga nagpadayun gihapon ang sekreto nga operasyon sa KAPA sa mismo sa radio station nga giilang Muews Radio nga gipanag-iyahan ni Arvin “ Jun Blanco” Malaza nga usab sab ka board member sa Davao del Sur.
Gilayon sab nga nagpakaarun-ingnun ang mga otoridad nga magpay-in ug nasutang positibo nga nagpadayun ang ilang operasyon.
Sumala kang Special investigator Joel Ayop, spokesperson sa NBI XI nga 5 kaempleyado ang ilang gidakop lakip na ang mga IT technicians, anchorman, guardiya ug si Jun Blanco.
Dugang pa ni Ayop nga walay girekomendang pyansa ang syndicated Large Scale Estafa na atubangon sa mga dinakpan.
Nakuha sab isip ebidensiya sa nasangpit nga opisina ang mga resibo, money counter, marked money nga nagkantidad og P10,000, KAPA ID’s of member, ledgers, books of account, shot gun nga dunay 4 ka bala ug uban pang mga papeles nga dunay kalabutan sa ilang operasyon.
Samtang gidala pasado alang 5 sa hapon sa ospital si Board member Jun Blanco gumikan kay mitaas ang blood pressure niini.
