DAVAO CITY – Luyo sumala pa sa pagsaka sa kaso sa dengue sa rehiyon, gibutyag sa Bureau of Jail Management and Penology Davao Region nga wala silay natalang bisan usa ka inmate of staff nga nagkasakit ng dengue.
Sumala pa kang Jail Insp. Helen Rose Saragena, hepe sa BJMP-Davao community relations and welfare and development, nga kaabag nila sa pagpatuman sa kampanya ang Department of Health (DOH) ilabi na nga gideklara sa milabay nga semana ang national epidemic human nga misaka na sa 146,062 ang natalang kaso sa dengue latas sa nasod.
Subay sa data sa milabay nga Agosto 8, anaa na sa 4,992 ang populasyon sa mga peneriso sa 11 ka mga siyudad, munisipalidad, ug district jails ilalom sa BJMP.
Gitataw sab ni Saragena, nga gipatuman nila ang 4S program batok sa dengue human ang kamandoan ni BJMP head, Chief Supt. Allan Iral nga kinahanglan himuon ang “4 o’clock habit.”
Kahinumduman nga bag-ohay pa lamang gilunsad ang Sabayang 4-O’clock Habit para Deng-Get Out, diin tumong niini nga tutokan ang pagpangita ug pagbungkag sa mga lugar ng posibleng puy-an sa mga lamok.
