DAVAO CITY – Posible sumala pa nga himuong 24 oras ang biyahe sa Peak Hours Augmentation Bus Service (PHABS) ug mamahimong kabahin sa Davao Integrated Bus System (DIBS).
Kahinumduman nga gibutyag ni Davao City Transport and Traffic Management Office (CTTMO) chief Dionisio Abude nga gihulat lamang nila ang rekomendasyon nga isumite sa Land Transportation Franchising and Regulatory Board (LTFRB) aron nga himuon ang operasyon sa PHABS sulod sa 24 oras.
Sa higayon nga mapatuman na ang maong lakang, irekomenda nila ang PHABS nga ilakip sa planong Davao Integrated Bus System (DIBS) ilabi na nga dili lamang peak hours ang biyahe niini kung dili 24/7.
Una ng nag-isyu ang LTFRB ug Memorandum Circular No. 2019-009 kaniadtong bulan sa Pebrero nga nagtugot sa city buses nga mobiyahe sa Catalunan Grande ug Toril atol sa peak hours kini tungod dakong tabang sumala pa kini ilabi na panahon sa kagabhi-on diin daghanang mga pasahero ang malisdan sa pagsakay ilabi na kung kung kusog ang bundak sa ulan.
