DAVAO CITY – Balik gilayon sa normal kagabie ang biyahe sa mga bus sa Davao City Overland Transport Terminal (DCOTT) nga una ng naapektohan gumikan sa pag-igo sa Bagyong Tisoy sa kaulohan nga nakaapekto sab sa pipila ka bahin sa Visayas.
Kahinumduman nga temporaryong gisuspende sa Philtranco ang ilang biyahe paingon sa Pasay, ingon man ang Bachelor Bus Express nga wala nakatabok paingon sa Ormoc ug Tacloban gumikan sa daut nga kahimtang sa panahon.
Hinuon wala gipasagdan sa pamunoan sa DCOTT ang mga na-stranded nga mga pasahero samtang gipangayoan sab sa pamunoan sa mga bus companies og numero ang ilang mga stranded nga mga pasahero aron nga dali nila kini nga ma-contact.
Pasado alas siete kagabie, balik na sa normal ang biyahe sa philtranco.
