Subling nagpasidaan ang Bureau of Internal Revenue (BIR) sa mga namaligya ug iligal nga vape products ug mga mi-eskapo sa pagabayarang buhis.
Gihimo sa ahensya ang nahisgutang pahayag homan niini gironda ang gi-organisang Philippine Vape Festival 2024 nga gipahigayon sa Las Piñas.
Gumikan sa nahisgutang operasyon, nakumpiska sa BIR ang nagkadaiyang matang sa iligal nga vape products.
Matod pa ni BIR Commissioner Romeo Lumagui Jr., walay internal revenue stamps ang nahisgutang mga produkto subay sa gihimo nilang surveillance.
Kadaghanan sa mga nahisgutan ang wala misunod sa insaktong pagbuhis nga klarong pagsupak sa balaod.
Gipaneguro sa ahensya nga magpadayon ang susama niining operasyon batok sa mga iligal nga binuhatan nga wala mibayad ug buhis sa kagamhanan.
