Gipadayag sa Bureau of Internal Revenue o BIR nga nakab-ot nila ang ilahang koleksyon tungod sa suporta sa national development samtang gipanalipdan gihapon ang katungod sa mga taxpayers.
Matud sa ahensya, wala na nila gipahamtangan og value-added tax o VAT ang indigenous natural gas ug pipila ka power generation transactions isip kabahin sa ilahang polisiya.
Bisan pa sa nagpadayon nga krisis sa Middle East, kumpyansa ang BIR nga makab-ot nila ang ilahang target collection karong tuiga.
Sumala sa datos, sa unang duha ka bulan pa lamang sa 2026, miabot na sa kapin P530.05 bilyon ang ilahang nakolekta nga kita.
Mas taas kini kumpara sa ilahang target nga koleksyon ug nagapasigarbo usab ang BIR nga mas dako kini kung itandi sa susamang panahon sa tuig 2025.
