DAVAO CITY- Nailhan na ang biktima sa natigayong shooting incident kagahapong adlawa pasado alas onse sa buntag sa Circumferential Road, Bacaca, Brgy. 19-B ning syudad sa Davao.
Ang maong insidente ang gikalambigitan sa pasahero sa usa ka taxi nga gikumpirma sa mismong kabanay niini nga giilang si Leopoldo Gonzaga kansang gipusil-patay samtang padulong unta ang gisakyan niining taxi sa may Ladislawa nga dapit.
Sumala pa sa inisyal nga imbestigasyon sa kapulisan nga ang Gonzaga ang sakay sa Speed 13 taxi nga gikan sa gawas sa Korte sa Ecoland ug padulong kini sa Ladislawa ning syudad.
Ang maong mga suspetsadong nagpaluyo niini ang ning kasamtangan wala gihapon mailhi, diin base sa inisyal nga imbestigasyon sa kapulisan, riding-in-tandem kini sila nga daling misibat human sa pagpamusil sa biktima.
Nagpadayon usab karon ang imbestigasyon sa San Pedro Police Station aron masuta ang motibo sa pagpamusil og ma-ilhan na ang nagpaluyo niini.
Ning kasamtangan anaa sa Angel Funeral Homes ang patayng lawas biktima og pagasabutan pa sa mga kabanay niini og ipailawom ba ang lawas niini sa otopsiya.
via/ DMA
