Pormal nang nahatag sa Provincial Government sa Davao De Oro ang mga yunit nga pabalay alang ngadto sa mga nabiktima sa landslide sa Masara, diin gipahigayon niini ang turn over ceremony sa Sitio Patagan Resettlement Site sa Barangay Elizalde, Maco, Davao de Oro.
Namugna kining maong proyekto pinaagi sa suporta na usab sa mga pampubliko ug pribadong sektor, diin maoy lakip nga gipasalamatan ni Governor Dororthy Gonzaga.
Gihimo sab kini isip usa ka bag-ong sinugdanan alang ngadto sa mga nakaluwas ug naluwas gikan sa maong trahedya, diin gikalipay sab kini sa mga survivors ang maong relokasyon.
Kahinumdumang, niadtong Pebrero 6, ning kasamtangang tuig, nahitabo ang usa ka makapanlimbawot nga katalagaman nga mao kining landslide, diin mikalas kini og 93 ka mga kinabuhi ug nakaguba sa daghang kabalayan.
