DAVAO CITY – Gibutyag sa usa sa mga biktima sa investment scam nga bugas ug itlog nga nindot sumala pa sa sinugdanan ang gitanyag kanila sa suspek nga si Aris Catubig Quaresma kinsa kasamtangan na nga nabilanggo sa Talomo Police station.
Sumala ni Norma Stones kapin P700,000 ang iyang napagawas nga kuwarta gumikan lamang sa gitanyag nga bugas ug itlog sa suspek sa barato lamang nga presyo hinungdan nga daghanan sa iyang mga silingan sa Muslim Village ning siyudad na-enganyo nga mag-invest aron nga i-negosyo.
Gikanayong maayo sa sugod ang modus sa biktima apan paglabay sumala pa sa pipila ka semana, wala na silay nadawat nga bugas ug itlog gikan sa ilang gibubo nga kuwarta.
Kahinumduman nga mismong ang mga silingan na sa suspek ang nag-endorso kaniya sa kapulisan aron nga pasakahan kini ug kasong pagpangilad.
Hangtud karon dako pa gihapon ang lugi ni Norma wala pa niinin nabawi ang iyang capital bisan tuod nga nakakuha siya ug sako sa mga bugas.
