DAVAO CITY – Midangop ug nagpakitabang sa Bombo Radyo Davao ang usa sa mga investor sa Rigene Marketing nga naka-pay in na siya ug P115 mil ka pesos.
Sumala pa kang alyas Joel nga naka-pay in siya niadtong Mayo 14, nakahulog ug P45 mil, P30 mil ug P5 mil ka pesos.
Sunod nga pay in Mayo 16, P10 mil ug pagka-Mayo 20, P25 mil ka pesos ang iyang gi-pay in.
Nakatakda unta siya nga makadawat ug P400 mil ka pesos nga pay out niadtong Hunyo 14, apan labihan na ka daghan ug gipagula nga rason ang Rigene kung ngano nga dili una siya makadawat ug pay out.
Gipahayag sa biktima nga ang nahisgutan nga kwarta kita niya sa iyang pagpamaligya sa Bankerohan Public Market.
Gusto na lamang unta sa biktima nga mabawi ang kwarta nga iyang nahulog isip investment sa Rigene Marketting.
