Gikatakda nga adunay ipatuman nga big time oil price hike sa sunod semana subay sa unang tulo ka adlaw nga trading sa kalibotanong merkado.
Sa unang tulo ka adlaw sa pamatigayon, nitaas ang presyo sa mga produktong petrolyo diin, ang Krudo, mosaka sumala pa og P2.37/L, sa Gasolina P2.21/L samtang sa Kerosene kon gas adunay pagsaka nga P2.48/L.
Kini na ang ikaupat nga sunod-sunod nga semana nga misaka ang presyo sa diesel ug kerosene samtang ang ikatulong sunod-sunod nga semana sa gasolina.
Ang pag-usbaw sa presyo sa mga produktong petrolyo resulta sa nagkagrabeng kagubot sa Middle East ug sa pagsikad sa presyo sa imported nga gasolina og kapin sa P2 matag litro.
Gilauman nga ipahibalo sa mga kompaniya sa lana ang opisyal nga presyo sa mga produktong petrolyo karong umaabot nga Lunes ug ipatuman kini sa adlaw nga Martes.
