DAVAO CITY – Gikatakdang ilusad sa Department of Interior and Local Government ang ilang BIDA kon Buhay Ingatan, Droga’y Ayawan nationwide anti-drug campaign.
Gikanayon sa hepe sa Local Government Monitoring and Evaluation Division sa buhatan nga si Phillen Larrabaster, magsugod ang programa karong Sabado, Nobyembre 26, nga dungan sab ipahigayon sa tibuok Pilipinas.
Diri sa Davao City, salmutan kini sa 1,500 ka mga participante gikan sa mga probinsya sa Davao Region, Region 12 ug Bangsamoro Region.
Ang BIDA program ang usa sa gipakusgan ug mas holistiko nga kampanya batok ilegal nga droga nga panukaran sa mga komunidad.
Gipasibaw niini ang nagpadayong kampanya sa mga ahensya sa gobyerno sama sa PNP, PDEA ug NBI alang sa pakigbatok sa droga nga dunay pagtahud sa tawhanong katungod.
Gikanayon ni DILG-XI Assistant Regional Director Abdullah Matalam, laraw karon sa programa ang mapromotar ang balaod, panalipdan ang katungod ug rehabilitasyon kon pagpa-bag-o sa mga drug dependents.
Gilauman nga ipadayon sa maong programa ang mga inisyatibong gisugdan sa DILG sa pagpakgang sa droga sa komunidad.
via || Bombo LJ Florendo
