Gipahimangnoan sa Bureau of Immigration ang publiko bahin sa pagdagsa sa POGO-like scam hubs sa nasud.
Sumala pa sa ahensya, kasagaran nga mga Filipino ang gipuntirya niini.
Sa usa ka pamahayag, si BI Commissioner Joel Anthony Viado gikanayon nga makaalarma ang halos matag adlaw nga pagbabag sa mga Pinoy sa airport.
Kini human madani sa peke nga job offer sa social media nga nagtanyag og maayo nga trabaho ug taas nga suweldo matag buwan.
Subay sa datus, muabot sa 118 ka mga Pinoy ang nasakpan nga nalambigit sa maong matang sa online scamming schemes sa nasud.
Kung kahinumdoman, muabot usab ngadto sa 12 ka mga Pinoy gikan sa Myanmar ang gipapauli sa nasud human mituo sa ilang mga illegal recruiter.
Diin ang tanan nga pinoy napugos sumala pa sa pagtrabaho isip online scammers ug nakasinati usab og pag-abuso.
Nasinatian usab niini ang taas nga oras sa pagtrabaho nga wala’y sweldo.
Kalabot niini, giawhag sa ahensya ang publiko nga i-report dayon sa Inter-Agency Council Against Trafficking ang bisan unsa nga kadudahan nga recruitment activities nga ilang makita sa ilang lugar o sa social media.
